گجرات (نمائندہ جنگ) 4روزہ جشن گجرات 19اپریل سے 22اپریل تک ہو گا، پہلے تین دن جلالپور جٹاں سپورٹس گراؤنڈ میں نیزہ بازی کے مقابلہ جات منعقد ہونگے جبکہ 22اپریل کو پنجاب پولیس اور واپڈا کی ٹیموں کے درمیان کانٹے دار کبڈی میچ ہو گا، جشن گجرات کے اختتام پر آتشبازی کا شاندار مظاہرہ کیا جائیگا ۔ ان خیالات کا اظہار جشن گجرات آرگنائزنگ کمیٹی کے کنونیئر /اے ڈی سی عرفان علی کاٹھیا نے سپورٹس گراؤنڈ جلالپور جٹاں میں مقابلوں کے انعقاد کیلئے انتظامات کا جائزہ لینے کیلئے منعقدہ اجلاس کے دوران خطاب کرتے ہوئے کیا، اس موقع پر اے سی جی چوہدری ذوالفقار علی باگڑی، ای ڈی او زراعت حافظ محمد جمیل، ڈی ایس او ندیم بٹ، ڈی او سول ڈیفنس محمد اشفاق، ریسکیو آفیسر حیدر علی،ڈاکٹر طاہر عزیز،ٹی ایم او خرم محمود و دیگر بھی موجود تھے ۔
فرمان الہی
نماز کے اوقات
