آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کے ایم سی کلاک ٹاور فعال کر دیا گیا

شہر قائد کراچی کے ایڈ منسٹریٹر  افتخار شلوانی کا کہنا ہے کہ آج سے کراچی میٹرو پولیٹن کارپوریشن کلاک ٹاور  (گھنٹہ گھر) کو فعال کر دیا گیا ہے۔

ایڈ منسٹریٹر کراچی افتخار شلوانی کی جانب سے مائیکروبلاگنگ ویب سائٹ ٹوئٹر پر ایک ٹوئٹ کے ذریعے پیغام جاری کرتے ہوئے بتایا گیا ہے کہ کراچی میٹرو پولیٹن کارپوریشن   کے ما تحت کے ایم سی کلاک ٹاور تزین و آرائش کے بعد آج سے کھول دیا جائے گا۔

کراچی میٹرو پولیٹن کارپوریشن (کے ایم سی) کلاک ٹاور کی تاریخ

کراچی میونسپل کارپوریشن کی عمارت کا افتتاح 1932ء میں کیا گیا تھا، کے ایم سی عمارت برطانوی اور مغلیہ طرز کی تعمیر کی گئی عمارت ہے، اس عمارت کا کلاک ٹاور 162 فٹ اونچا ہے جو چاروں جانب سے یکساں نظر آ تا ہے۔

واضح رہے کہ کے ایم سی کا گھڑیال کچھ برس قبل غیر فعال ہوگیا تھا۔

قومی خبریں سے مزید