آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میرا پر دھوکہ دہی سے گھر اپنے نام کرانے کا کیس، سماعت ملتوی

لاہور (مانیٹرنگ ڈیسک)اداکارہ میرا پر تسنیم کوثر نامی خاتون نے الزام لگایا ہے کہ اداکارہ نے دھوکہ دہی سے ان کا ایک کنال کا گھر اپنے نام کروایا۔سول کورٹ میں ادکارہ میرا کے گھر کی دعوے دار خاتون کی درخواست پر سماعت ہوئی۔

سول جج عدنان علی نے تسنیم کوثر نامی خاتون کی درخواست پر سماعت کی۔ دوران سماعت خاتون نے موقف اختیار کیا کہ عتیق الرحمان نے مجھے گھر کی تمام رقم ادا کی، میرا نے دھوکا دہی سے 1کنال کا گھر اپنے نام کروایا، میرا اپنا گھر فروخت کرنا چاہتی ہیں۔

خاتون نے عدالت سے استدعا کرتے ہوئے کہا کہ عدالت اداکارہ میرا کو گھر فروخت کرنے سے روکنے کا حکم دے اور قانون کے مطابق گھر کے کاغذات عتیق الرحمان کے نام کرنے کا حکم دے۔

عدالت نے وکلاء کو حتمی بحث کیلئے آئندہ سماعت پر طلب کرتے ہوئے سماعت 30 ستمبر تک ملتوی کردی۔

دل لگی سے مزید