آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مقبوضہ کشمیر :حریت کانفرنس کا آج مکمل ہڑتال کا اعلان


مقبوضہ کشمیر میں ظلم اور کشمیریوں کے سیکیورٹی فورسز کے ہاتھوں قتل کے خلاف آل پارٹیز حریت کانفرنس کی جانب سے آج مکمل ہڑتال کا اعلان کیاگیا ہے۔

مقبوضہ وادی میں ہڑتال آل پارٹیز حریت کانفرنس کی اپیل پر کی جا رہی ہے اور نماز جمعہ کے بعد احتجاج بھی کیا جائے گا۔

گزشتہ روز بھارتی فورسز نے سرینگر کے علاقے باٹامولا میں نام نہاد سرچ آپریشن کے دوران 45 سالہ خاتون سمیت 5 افراد کو شہید کر دیا تھا۔

حریت کانفرنس نے سری نگر میں میں محاصرے اور تلاشی کی کارروائیوں کے دوران بے گناہ کشمیریوں کی ہلاکت کی شدید مذمت کی اور اس کو گھناؤنی کارروائی قرار دیتے ہوئے ایسے واقعات کی بین الاقوامی تحقیقاتی ایجنسی سے تحقیقات کا مطالبہ کیا ہے۔

دوسری جانب مقامی پولیس کے ڈائریکٹر جنرل دل باغ سنگھ نے سری نگر میں صحافیوں کو بتایاکہ پولیس کو سری نگر میں خاتون کی موت پر گہرا افسوس ہے۔

بین الاقوامی خبریں سے مزید