آپ آف لائن ہیں
اتوار7؍ ربیع الاوّل1442ھ 25؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی: پولیس اہلکار کی ریکی کے بعد ٹارگٹ کلنگ


کراچی میں ریکی کے بعد پولیس اہلکار کی ٹارگٹ کلنگ کا نیا واقعہ سامنے آیا ہے، کورنگی کراسنگ کے قریب فائرنگ میں پولیس اہلکار جاں بحق ہوگیا۔

تفتیشی حکام کے مطابق مقتول اہلکار عارف کو ریکی کے بعد ٹارگٹ کرکے قتل کیا گیا۔

حکام کے مطابق مقتول عارف مدد گار 15 شارع فیصل پر تعینات تھا، اسے موٹر سائیکل سوار 2 ملزمان نے تعاقب کرکے ٹارگٹ کیا۔

تفتیشی حکام کے مطابق ملزمان جاتے ہوئے مقتول اہلکار کا بیگ بھی ساتھ لے گئے ہیں۔

حکام کے مطابق چند ماہ کے دوران 4 پولیس اہلکاروں کو کلرز کی جانب سے نشانہ بنایا جاچکا ہے۔

یاد رہے کہ 2 روز قبل کورنگی کراسنگ کے علاقے میں ہی نجی کمپنی کا منیجر عمیر ڈکیتی کے دوران مزاحمت پر گولی لگنے سے جاں بحق ہوگیا تھا۔

پولیس حکام نے مقتول کے حوالے سے بتایا کہ وہ کمپنی کے 11 لاکھ روپے ابراہیم حیدری میں واقع بینک میں جمع کرانے جارہا تھا۔

قومی خبریں سے مزید