کراچی(اسٹاف رپورٹر) پاکستانی ہاکی ٹیم کے کوچ خواجہ جنید نے جاپان کے خلاف میچ میں کامیابی کو خوش آئند قرار دیا اور کہا کہ جاپان کی ٹیم آسان نہیں تھی،انہوں نے ایونٹ میں شکست کی وجہ ناتجربہ کاری کو قرار دیا ہے۔ میچ کے بعد جنگ سے بات چیت کرتے ہوئے انہوں نے کہا کہ اس وقت دنیا کی ہر ٹیم نے اپنے کھیل کے معیار کو بہتر بنالیا ہے اور کوئی بھی ٹیم اورمیچ آسان ثابت نہیں ہوتا ہے، انہوں نے کہا کہ مجموعی طور پر ہماری پرفارمنس تسلی بخش نہیں رہی،پاکستان کے مقابلے میں تمام بڑی ٹیموں کی تیاری خاصی اچھی نظر آئی، ہماری بدقسمتی یہ کہ ہم سال میں ایک یا دو انٹرنیشنل میچ اورمقابلے میں حصہ لے رہے ہیں جس کی وجہ سے کھلاڑیوں کو عالمی میچوں کا تجربہ نہیں مل پا رہا ہے۔ اس وقت ہم ٹیم کو تیار کررہے اور کوشش ہے کہ ہماری تیاری درست سمت میں جاری رہ سکے۔
فرمان الہی
نماز کے اوقات
