• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹرعافیہ رہائی حکم عدولی پرگواہان کو گرفتار کرنے کے احکامات

پشاور(نیوزرپورٹر)پشاورکی احتساب عدالت کے جج نوید احمد خان نے ڈسٹرکٹ ہیڈ کوارٹر لکی مروت کے سابق سینئر کلرک اجمل خان کی کرپشن کی ریفرنس میں نامزد بینک ،محکمہ تعلیم ، محکمہ پولیس محکمہ مال اور محکمہ صحت کے متعدد استعاثہ گواہان کو حکم عدولی پر گرفتار کرنے اور عدالت میں پیش کرنے کے احکامات جاری کردیئے ہیں ۔ گزشتہ روز جب فاضل عدالت نے اجمل خان کی ریفرنس کی سماعت شروع کی تو اس دوران ریفرنس میں نامزد استعاثہ گواہان ایگزیکٹیو ڈسٹرکٹ آفیسر لکی مروت ، منیجر بنک لکی مروت ، ایس ایچ او لکی مروت ، حمد اللہ خان پٹواری ، ڈاکٹر غلام علی ، ڈاکٹر عبد اللہ ، ڈاکٹر سالار خان ، محمد آصف ، محمد عالم ، شیر بہادر ، شمس الرحمان ، شاہ نور ، محبت خان اور مشتاق احمد عدالت میں پیش نہیں ہوئے جس پر عدالت نے تمام گواہان کے ناقابل ضمانت وارنٹ گرفتار ی جاری کرتے ہوئے اُنہیں گرفتار کرنے اور 14اکتوبر کو عدالت میں پیش کرنے کے احکامات جاری کردیئے
پشاور سے مزید