آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

امارات میں خواتین کی تنخواہیں مردوں کے برابر

متحدہ عرب امارات نے نجی کمپنیوں میں کام کرنے والی خواتین کی تنخواہیں  ان کے ساتھ کام کرنے والے مردوں کے برابر کردیں۔ فیصلے کا اطلاق  25 ستمبر 2020 سے ہوگا۔

میڈیا رپورٹس کے مطابق امارات کے صدر شیخ خلیفہ بن زاید آل نہیان کی جانب سے جاری صدارتی فرمان میں ہدایت دی گئی ہے کہ اگر کوئی ملازم خاتون ویسا ہی کام کررہی ہے جیسا کہ مرد ملازم کررہا ہو تو اس کا محنتانہ مرد ملازم جیسا ہی ہوگا۔

امارات میں وفاقی قانون کی دفعہ 32 میں ملازم خواتین اور کارکن مردوں کی تنخواہوں میں فرق رکھا گیا تھا، تاہم اب اس میں صدارتی فرمان جاری کرکے ترمیم کردی گئی ہے۔

اماراتی مارکیٹ کے ماہرین نے اس حوالے سے اپنے تاثرات بیان کرتے ہوئے کہا کہ اس تبدیلی کی بدولت امارات کے تمام علاقوں کے نجی اداروں میں خواتین کے لیے کشش بڑھے گی، اب وہ زیادہ عزم اور شوق کے ساتھ نجی اداروں کا رخ کریں گی۔

وزارت افرادی قوت نے کہا کہ مرد ملازمین کی تنخواہوں کے برابر خواتین کی تنخواہیں کرنے کی بدولت دنیا بھر میں متحدہ عرب امارات کی حیثیت مضبوط ہوگی جبکہ عرب ممالک میں بھی اس کی پوزیشن مستحکم ہوگی۔

متحدہ عرب امارات کو تنخواہوں میں برابری اور دونوں صنفوں کے درمیان مساوات کے اصول پر عمل کرنے کے حوالے سے عرب اور خطے کے ممالک پر برتری حاصل ہے۔

بین الاقوامی خبریں سے مزید