نواز و شہباز کے درمیان چپقلش بیان بازی سے نہیں چھپ سکتی، فیاض چوہان

وزیرِ اطلاعات پنجاب فیاض الحسن چوہان نے کہا ہے کہ پاکستان مسلم لیگ (ن) کے صدر شہباز شریف اور قائد نواز شریف کے درمیان چپقلش بیان بازی سے نہیں چھپ سکتی۔

لیگی نائب صدر مریم نواز کی پریس کانفرنس پر ردِ عمل دیتے ہوئے فیاض الحسن چوہان کا کہنا تھا کہ شہباز شریف کی گرفتاری کو گلگت بلتستان انتخابات سے جوڑنا مضحکہ خیز ہے۔

انھوں نے کہا کہ بیگم صفدر بتائیں کہ 6 ماہ میں شہباز شریف اور لیگی رہنماؤں نے گلگت کے کتنے دورے کیے؟

فواد نے شہباز شریف کی گرفتاری کو خوش آئند قرار دے دیا

وفاقی وزیر نے کہا کہ شہباز شریف کی گرفتاری اہم پیش رفت ہے، شہباز شریف کیس کی تحقیقات بہت اچھی ہوئی ہیں۔

فیاض الحسن چوہان کا کہنا تھا کہ ایک خاندان کے ذریعے ملک چلانے والے ملک کو ون پارٹی ریاست بنائے جانے کی بات کر رہے ہیں۔

صوبائی وزیر اطلاعات نے کہا کہ نواز شریف اور شہباز شریف کی درمیانی چپقلش بیان بازی سے نہیں چھپ سکتی۔

انھوں نے یہ بھی کہا کہ بیگم صفدر اعوان نے احتساب کو بڑے آرام سے ذاتی و سیاسی انتقام کا نام دے دیا۔

نواز شریف کو سزا دلوانے والے نیب پراسیکیوٹر مستعفی

جیو نیوز سے گفتگو کرتے ہوئے ایڈووکیٹ واثق ملک کا کہنا تھا کہ وہ چیئرمین نیب کو اپنا استعفیٰ بھجوا چکے ہیں۔

فیاض الحسن چوہان کا کہنا تھا کہ ن لیگ نے احتساب سے بچنے کے لیے ہر حربہ استعمال کرنے کی کوشش کی ہے۔

انھوں نے کہا کہ بیگم صفدر اعوان نے آج حکومت کو اے پی سی سے ڈرانے کی ناکام کوشش کی ہے۔

ان کا یہ بھی کہنا تھا کہ عوام ایسی بیسیوں اے پی سیز کی ناکامی اور رسوائی پہلے بھی دیکھ چکے ہیں۔