• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بچوں پر تشدد اور زیادتی مدرسوں کے دو معلم گرفتار

میرا شہر
اسلام آباد
01 اکتوبر ، 2020
راولپنڈی(سٹاف رپورٹر ) بچوں پر تشدد اور زیادتی پر مدرسوں کے دو معلم گرفتار کر لئے گئے۔ تھانہ پیرودہائی پولیس نے10سالہ بچے پر تشدد کرنے والے مدرسے کےمعلم کو گرفتار کرلیا۔پولیس کو متاثرہ بچے کے والد نے درخواست دی کہ اُس کا بچہ مدرسہ میں حفظ اور ناظرہ کی تعلیم حاصل کرتا ہے، جہاں اسے دیر سے آنے پر قاری زبیر نے بہیمانہ تشدد کا نشانہ بنایا جس پر پولیس نے مقدمہ درج کرکے قاری زبیر کو چند گھنٹوں میں گرفتار کر لیا۔دریں اثناء گوجر خان پولیس نے 14سالہ لڑکے سے زیادتی کرنے والے معلم کوگرفتار کرلیا۔ پولیس کو اسد محمود نے درخواست دی تھی کہ اُ س کا بیٹا اسلام پورہ جبر کے مدرسے میں حفظ کر رہا ہے جس کو مدرسے کے معلم عبدالشکور نے زیادتی کا نشانہ بنایاجس پر پولیس نے مقدمہ درج کرکے معلم کو گرفتار کر لیا۔
تازہ ترین