• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ن لیگ کے ٹکٹ پر سینیٹر منتخب نہیں ہوا، شمیم آفریدی

تازہ ترین
قومی خبریں
01 اکتوبر ، 2020


سینیٹر شمیم آفریدی کا کہنا ہے کہ مسلم لیگ ن کے ٹکٹ پر رکن سینیٹ منتخب نہیں ہوا، آزاد حیثیت سے اپوزیشن نشستوں پر بیٹھتا ہوں۔

مسلم لیگ ن کی جانب سے شوکاز دیے جانے کے بعد سینیٹر شمیم آفریدی نے جیو نیوز سے گفتگو کرتے ہوئے کہا کہ ایف اے ٹی ایف بل پر ووٹنگ کے دن کافی دور علاقے میں تھا۔

نواز شریف سے اختلاف کیا ہے آئین نہیں توڑا، لیگی ایم پی اے

جیونیوز سے گفتگو کرتے ہوئے جلیل احمد شرقپوری نے کہا ہے کہ پارٹی کو پارٹی رہنے دیں، خاندانی جاگیر نہ بنائیں، پارٹی میں مختلف آراء کے لوگ ہوتے ہیں ہر کسی کی رائے کا احترام ہونا چاہیے۔

شمیم آفریدی نے کہا کہ ان کی کافی دشمنیاں ہیں، علاقے سے نکلنے سے قبل سیکیورٹی دیکھنا ہوتی ہے، جب مشترکا اجلاس میں شرکت کی اطلاع دی گئی تو کافی دور تھا۔

انہوں نے کہا کہ ایف اے ٹی ایف بل پر ووٹنگ کیلئے جس وقت پہنچا اجلاس ختم ہوچکا تھا۔

ن لیگ کا بزدار سے ملاقات کرنے والے ارکان کو پارٹی سے نکالنےکا فیصلہ

واضح رہے کہ پاکستان مسلم لیگ ن نے پارٹی نظم وضبط کی خلاف ورزی کرنے والے ارکان کو پارٹی سے نکالنےکا فیصلہ کیا ہے۔

موقع ملا تو آئندہ بھی افواج پاکستان کی خدمت کروں گا، نواز شریف

نواز شریف نے کہا کہ وہ سرحدوں پر جان دینےو الے فوجیوں کو سلام پیش کرتے ہیں۔

ن لیگ نے وزیر اعلیٰ پنجاب سردار عثمان بزدارسے ملاقات کرنے والے مسلم لیگ ن کے 5 ارکان کو پارٹی سے نکالنےکا فیصلہ کیا ہے، قیادت کی منظوری سے پارٹی سیکرٹری جنرل احسن اقبال نے فیصلے کا اعلان کردیا۔

پارٹی سے نکالے جانے والے اراکین پنجاب اسمبلی میں اشرف انصاری، جلیل شرقپوری، فیصل نیازی، نشاط ڈاہا اور مولوی غیاث الدین شامل ہیں۔

لیگی رکن اسمبلی پارٹی قائد نواز شریف کے بیان کی مخالفت

ن لیگ سے تعلق رکھنے والے رکن پنجاب اسمبلی جلیل احمد شرقپوری کا کہنا ہے کہ وہ میاں نواز شریف کے بیان کی تائید نہیں کرسکتے۔

ایم پی ایز کے خلاف کارروائی صدر ن لیگ پنجاب رانا ثنااللّٰہ کے دستخطوں سے عمل میں آئی، اس کے علاوہ فیٹف کی ووٹنگ میں غیرحاضر مسلم لیگ ن کے پارلیمان کے ارکان کو بھی شوکاز نوٹس جاری کردیا گیا ہے۔

راحیلہ مگسی، کلثوم پروین، دلاور خان اور شمیم آفریدی کو شوکاز نوٹس جاری کیے گئے ہیں۔

اس حوالے سے احسن اقبال کا کہنا ہے کہ سینیٹ میں پارٹی ارکان کو شوکاز نوٹس راجا ظفرالحق کے دستخطوں سے جاری ہوئے، شوکاز کی کارروائی کے بعد اگلے مرحلے کا فیصلہ ہوگا۔

تازہ ترین