• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلعی انتظامیہ نے چارسدہ روڈ پر بیشتر غیر قانونی سائن بورڈز ہٹا دیئے

میرا شہر
پشاور
04 اکتوبر ، 2020
پشاور( وقائع نگار) صوبائی دارلحکومت پشاور میں ضلعی انتظامیہ نے ٹائون ون انتظامیہ کے ہمراہ مشترکہ آپریشن کرتے ہوئے چارسدہ روڈ پر بیشتر غیر قانونی سائن بورڈز کو ہٹا دیا۔ اس حوالے سے ڈپٹی کمشنر پشاور محمد علی اصغر کی ہدایت پر اسسٹنٹ کمشنر (سٹی) ڈاکٹر احتشام الحق نے ٹائون ون کے ٹائون آفیسر ریگولیشن محمد ایاز درانی اور چیف ڈیمالشنگ انسپکٹر قیصر باچا کے ہمراہ چارسدہ روڈ پر غیر قانونی سائن بورڈز کے خلاف کاروائی کا آغاز کیا۔ اس موقع پر کسی بھی ناخوشگوار وقع سے بچنے کے لیے پولیس کی بھاری نفری کو تعینات کیا گیا تھا۔کاروائی کے دوران عمارتوں کے اوپر غیر قانونی طور پر بنائے گئے 9 سائن بورڈز کو ہٹا دیا گیا ۔ڈپٹی کمشنر پشاور محمد علی اصغر نے انتظامی افسران کو اپنے علاقوں میں غیر قانونی سائن بورڈز لگانے والوں کے خلاف سخت کاروائی کی ہدایت کی ہے اور دوبارہ غیر قانونی سائن بورڈز لگانے والوں کو جیل بھجوانے کا حکم جاری کیا ہے۔
تازہ ترین