-
فرمان الہی
-
نماز کے اوقات
- پیر22؍محرم الحرام 1446ھ 29؍جولائی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان شوبز انڈسٹری کی مقبول ترین اداکارہ و میزبان جگن کاظم کے گھر بیٹی کی پیدائش ہوئی ہے جس کی اطلاع اُنہوں نے اپنے مداحوں کو سوشل میڈیا کے ذریعے دی ہے۔
جگن کاظم نے اپنی خوشی اپنے تمام چاہنے والوں کے ساتھ بانٹتے ہوئے سوشل میڈیا سائٹ انسٹاگرام پر ایک خوبصورت تصویر پوسٹ کی ہے جس میں اداکارہ نے اپنی بیٹی کا ننھا سا ہاتھ تھاما ہوا ہے۔
انسٹاگرام پر تصویر پوسٹ کرتے ہوئے جگن کاظم نے اُن تمام لوگوں کا شکریہ ادا کیا جنہوں نے اداکارہ کے لیے دُعائیہ پیغامات جاری کیے تھے۔
جگن کاظم نے بتایا کہ اُنہوں نے اپنی ننھی پری کا نام ’سیدہ نور بانو نقوی‘ رکھا ہے جبکہ اُن کی بیٹی کی پیدائش دو روز قبل یعنی 9 اکتوبر کو ہوئی تھی تاہم اُنہوں نے یہ خبر آج دی ہے۔
اداکارہ نے صرف دو گھنٹے قبل ہی انسٹاگرام پر یہ تصویر پوسٹ کی ہے جسے اب تک 17ہزار سے زائد صارفین لائک کرچکے ہیں جبکہ مداحوں کی جانب سے اداکارہ اور اُن کی بیٹی کے لیے نیک تمناؤں کا اظہار کیا جارہا ہے۔
خیا ل رہے کہ جگن کاظم نے اپنے یوٹیوب چینل پر مداحوں کو یہ خبر پہلے ہی دے دی تھی کہ اس بار اُن کے ہاں بیٹی کی پیدائش متوقع ہے۔
40 سالہ جگن پہلی شادی ناکام ہونے کے بعد 27 جون 2013 کو فیصل سے رشتۂ ازدواج میں منسلک ہوئیں جن سے ان کے دو بیٹے ہیں۔
