فرمان الہی
نماز کے اوقات
کراچی (اسٹاف رپورٹر)فیروزآباد کے علاقے میں ڈاکوؤں کا پیچھا کرتے ہوئے موٹر سائیکل سوار کی ٹکر سے پولیس اہلکار اور موٹر سائیکل سوار زخمی ہو گئے،دونوں کو جناح اسپتال منتقل کیا گیا جہاں دوران علاج پولیس اہلکار دم توڑ گیا جبکہ موٹر سائیکل سوار کی حالت بھی تشویشناک بتائی جاتی ہے،پولیس کے مطابق جاں بحق اہلکار کی شناخت کانسٹیبل گلریز ولد فولاد خان کے نام سے ہوئی جو قائد آباد کا رہائشی تھا،پولیس نے بتایا کہ جاں بحق اہلکار اپنے ساتھی اہلکار کیساتھ ملزمان کا پیچھا کر رہا تھا ،پولیس موبائل دوسری جانب سے ملزمان کو پکڑنے کے لیئے آئی جبکہ جاں بحق اہلکار پیدل دوسری طرف سے ملزمان کے پیچھے گیا،اس دوران ایک موٹر سائیکل سوار سے اسکی ٹکر ہو گئی،ملزمان موقع کا فائدہ اٹھاتے ہوئے فرار ہونے میں کامیاب ہوگئے، ڈرگ روڈ مزار کے قریب ٹریفک حادثے میں نوجوان جاں بحق ہو گیا،متوفی کی لاش کو جناح اسپتال منتقل کیا گیا ،پولیس کے مطابق متوفی کی عمر24سے25برس ہے،بلدیہ مواچھ گوٹھ پل پر ٹریفک حادثے میں ایک شخص جاں بحق ہو گیا جسکی لا ش کو سول اسپتال لایا گیا،متوفی کی شناخت نہیں ہو سکی،کورنگی نمبر3میں واقع دارالسبحانی مدرسہ میں کرنٹ لگنے سے 12سالہ حماد جاں بحق ہو گیا۔
