بگ بیش اور کاؤنٹی ٹیموں کے حیدر علی سے رابطے

بگ بیش اور کاؤنٹی کرکٹ ٹیموں نے پاکستانی بیٹسمین حیدر علی کو سائن کرنے کیلئے رابطے کرنا شروع کردیئے۔

ذرائع کے مطابق بیگ بیش کی 2 ٹیموںنے نوجوان کرکٹر حیدر علی کو سائن کرنے کیلئے رابطہ کیا ہے تاہم دورۂ نیوزی لینڈ کی وجہ سے حیدر علی نے اس سال بگ بیش سے معذرت کی ہے۔

حیدر علی نے کیریئر کا نڈر آغاز کیا ہے، شاہد آفریدی

سابق کپتان شاہد آفریدی کا کہنا ہے کہ حیدر علی نے کیریئر کا شاندار اور نڈر آغاز کیا ہے، وہ ایک اسٹار بن رہا ہے۔

دوسری جانب ایک انگلش کاؤنٹی ٹیم مینجمنٹ بھی حیدر علی سے رابطے میں ہے، حیدر اگلے سیزن میں کاؤنٹی کیلئے دستیاب ہونگے۔

ذرائع کاکہنا ہے کہ فہیم اشرف سے بھی بگ بیش ٹیموں کے رابطے ہوئے ہیں، مگر ان کی بھی شرکت قومی ٹیم میں شمولیت سے مشروط ہے۔

واضح رہے کہ پاکستان کے نوجوان بلے باز حیدر علی ٹی ٹوئنٹی انٹرنیشنل کرکٹ میں ڈیبیو پر سب سے بڑا اسکور کرنے والے پہلے پاکستانی کھلاڑی بنے ہیں ، اس کے ساتھ ساتھ وہ ڈیبیو پر نصف سنچری اسکور کرنے والے پہلے پاکستانی بیٹسمین بھی بنے ہیں۔