آپ آف لائن ہیں
ہفتہ13؍ربیع الاوّل 1442ھ31؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لوگوں سے ملتے وقت انتہائی محتاط رہتی ہوں، پریانکا چوپڑا

بالی وڈ اداکارہ پریانکا چوپڑا نے کہا ہے کہ وہ اور ان کے خاوند نک جونس لوگوں سے ملنے جلنے سے متعلق انتہائی محتاط رہتے ہیں کیونکہ ہم دونوں کو صحت سے متعلق کچھ مسائل ہیں۔

ایک انٹرویو کے دوران پریانکا چوپڑا نے بتایا کہ وہ دمے کی بیماری میں مبتلا ہیں جبکہ انکے شوہر کو شوگر کی بیماری ہے۔ اس وجہ سے ہم لوگوں سے ملنے اور بات چیت کرنے میں بہت احتیاط کرتے ہیں۔

انٹرویو میں پریانکا چوپڑا کا کہنا تھا کہ کام کے حوالے سے گزشتہ کچھ ماہ اچھے رہے۔ لاک ڈاؤن کے دوران انٹرویوز اور وڈیولنک میٹنگز میں شرکت کرنے پر اداکارہ نے خوشی کا اظہار کیا کیونکہ انہیں ٹریفک میں پھنسنا نہیں پڑتا تھا۔

38 سالہ پریانکا چوپڑا اپنے شوہر نک جونس کے ہمراہ لاس اینجلس میں رہتی ہیں اور انہوں نے لاک ڈاؤن کے بعد باقاعدہ کام کا آغاز بھی کردیا ہے۔

انٹرٹینمنٹ سے مزید