فرانس ائرلائن سےجلد معاہدہ طے پا جائے گا، زلفی بخاری

پیرس/ کوونٹری ( رضا چوہدری/وقار ملک ) فرانس کی معروف سیاسی و سماجی شخصیت ظفر اقبال تارڑ سے ملاقات میں وزیر اعظم پاکستان کے مشیر برائے اوور سیز پاکستانی زلفی بخاری نے کہا ہے کہ فرانس ایئر لائن سے جلد معاہدہ طے پاجائے گا، اس موقع پر ظفر اقبال تارڑ نے انہیں فرانس میں مقیم پاکستانی کمیونٹی کے مسائل سے آگاہ کیا۔زلفی بخاری نے کہا کہ وہ بہت جلدفرانس کا دورہ کریں گے اور پاکستانی کمیونٹی کو درپیش مسائل موقع پر ہی حل کرائے جائیں گے ۔واضح رہے کہ پی آئی اے کا یورپی ممالک کے ساتھ ڈائریکٹ فلائٹ آپریشن بند ہونے سے بیرون ملک پاکستانی کمیونٹی سخت پریشان ہے، ملاقات میں پی آئی اے کی بندش سے تجارت پر پڑنے والے اثرات پر بھی تبادلہ خیال کیا گیا۔