آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نیشنل ٹی 20 کپ کا ٹائٹل خیبر پختونخوا کے نام

نیشنل ٹی ٹوئنٹی کپ کے فائنل میں خیبر پختونخوا نے سدرن پنجاب کو ہرا کر ٹائٹل اپنے نام کر لیا۔ فخر زمان اور شعیب ملک کی جارحانہ نصف سنچری کی بدولت کے پی نے چار وکٹ پر 206 رنز بنائے، جواب میں سدرن پنجاب 196 رنز بنا سکی۔

راولپنڈی میں کھیلے گئے فائنل میں خیبر پختونخوا کو شاندار آغاز ملا، فخر زمان نے 40 گیندوں پر 67 رنز جڑ دیئے، رضوان نے 25 اور محمد حفیظ نے 38 رنز بنائے، پھر شعیب ملک نے 22 گیندوں پر 56 رنز بناکر ٹیم کا اسکور چار وکٹ پر 206 رنز تک پہنچا دیا۔

جواب میں سدرن پنجاب کی تین وکٹیں 34 رنز پر گر گئیں، لیکن پھر حسین طلعت نے 33 گیندوں پر 63 اور خوشدل شاہ نے 34 رنز بنا کر ٹیم کی ہمت بڑھائی۔ لیکن بعد میں آنے والے کھلاڑی 8 وکٹ پر 196 رنز پر ہمت ہار گئے۔

خیبرپختونخوا نے 10رنز کی فتح کے ساتھ ٹائٹل اپنے نام کر لیا۔ ٹورنامنٹ میں شاہین آفریدی سب سے زیادہ 20 وکٹوں کے ساتھ ٹاپ پر رہے جبکہ فخر زمان نے سب سے زیادہ 420 رنز بنائے۔

کھیلوں کی خبریں سے مزید