فوج کیخلاف بیان، نواز نے اپنی سیاست کا جنازہ نکال دیا، شیخ رشید

حسن ابدال (آئی این پی )وزیر ریلوے شیخ رشید احمد نے کہا ہے کہ اپوزیشن کی پارٹیوں کے الگ الگ ایجنڈے ہیں‘ بلاول بھٹو قومی حکومت، فضل الرحمن انتخابات اور ن لیگ سب کچھ بٹھانا چاہتی ہے۔

انہوں نے گوجرانوالہ جلسہ میں نامناسب اور غیر شائستہ زبان استعمال کی ہے، اب عمران خان فرنٹ پر کھیلنے کے لیے میدان میں آ گے ہیں ‘ نواز شریف نےفوج کے خلاف بیان دیکر اپنی سیاست کا جنازہ نکال لیا ہے جس کے بعد ن لیگ کی سیاست دفن ہو گئی ہے۔

میں اپنی بات پر اب بھی قائم ہوں کہ 31دسمبر سے 20فروری تک جھاڑو پھر جائے گا ، مارچ میں سینیٹ انتخابات میں تحریک انصاف بھاری اکثریت سے کامیابی حاصل کرے گی۔