سابق گورنر پنجاب راجہ سروپ خان وفات پا گئے

لندن (نمائندہ جنگ) راجہ نوید خان، راجہ ظہیر خان، راجہ ندیم خان، راجہ نبیل خان کے تایا ،سابق گورنر پنجاب راجہ سروپ خان سی ایم ایچ راولپنڈی میں قضائے الہیٰ سے انتقال کرگئے، مرحوم پاکستان پیپلزپارٹی محترمہ بے نظیر بھٹو کے دور میں گورنر پنجاب تھے۔ آزاد کشمیر میرپور ماڈرن جبوٹ ان کا آبائی گائوں تھا، 23 اکتوبر چار بجے آبائی گائوں میں ان کی نماز جنازہ اداکی گئی، حاجی راجہ ارشد ،مسلم کانفرنس برطانیہ کے چیف آرگنائزر راجہ محمد اسحاق، راجہ محمد زاہد خان، ذاکر کیانی سابق ڈپٹی میئر سلائو راجہ عبدالعزیز خان، راجہ راشد خان، ہارون رشید، مرزا قیصر نے کہا کہ مرحوم خوش اخلاق نفیس انسان تھے۔ دعا کرتے ہیں اللہ پاک ان کو جنت الفردوس میں اعلیٰ مقام دے۔