ثناء کیساتھ خود کو کبھی تھکا ہوا محسوس نہیں کرتا، عُمیر جسوال

گزشتہ دنوں معروف اداکارہ ثناء جاوید کے ساتھ رشتۂ ازدواج میں منسلک ہونے والے نامور گلوکار عُمیر جسوال کا کہنا ہے کہ وہ ثنا جاوید کے ساتھ خود کو کبھی تھکا ہوا محسوس نہیں کرتے ہیں۔

فوٹو اینڈ ویڈیو شیئرنگ ایپ انسٹاگرام پر عمیر جسوال نے اپنی اہلیہ ثنا جاوید کے ہمراہ اپنی زندگی کے سب سے خوبصورت دن یعنی نکاح کی نئی تصویریں پوسٹ کی ہیں جس میں ثنا جاوید اپنے شوہر کا ہاتھ تھامے بھرپور انداز میں مُسکرا رہی ہیں اور تصویریں دیکھ کر بخوبی اندازہ لگایا جاسکتا ہے کہ اداکارہ بہت خوش ہیں۔

عمیر جسوال نے تصویریں پوسٹ کرتے ہوئے لکھا کہ ’ثناء کے ساتھ کبھی بھی کوئی لمحہ مدھم نہیں ہوتا اور نہ ہی میں ان کے ساتھ  خود کو سُست محسوس کرتا ہوں۔‘

ثنا جاوید اور عمیر جسوال کے نکاح کی نئی تصاویر مقبول

گزشتہ دنوں معروف گلوکار عمیر جسوال کے ساتھ رشتۂ ازدواج میں منسلک ہونے والی نامور اداکارہ ثنا جاوید نے سوشل میڈیا پر اپنے نکاح کے دن کی نئی تصویریں شیئر کی ہیں۔

گلوکار نے اپنی پوسٹ کے کیپشن میں ’ماشاءاللّہ‘ بھی لکھا تاکہ اُن کی جوڑی نظرِبد سے محفوظ رہے۔

عمیر جسوال کی پوسٹ پر کمنٹ کرتے ہوئے ثنا جاوید نے اظہار محبت والے اور گلے ملنے والے ایموجیز بنائے۔

یاد رہے کہ اس سے قبل ثنا جاوید نے انسٹاگرام پراپنے نکاح کے دن کی نئی تصویریں پوسٹ کی تھیں، انسٹاگرام پر پوسٹ کی گئیں کچھ تصویروں میں ثنا جاوید عروسی لباس میں نظریں جھکائے بیٹھی تھیں جبکہ اس پوسٹ کے کیپشن میں اُنہوں نے اپنے اور عمیر جسوال کے نکاح کے دن کی تاریخ لکھی تھی۔

اِس کے علاوہ ثنا جاوید نے اپنے جیون ساتھی عُمیر جسوال کے ساتھ بھی نئی تصویریں پوسٹ کی تھیں جن میں گلوکار اپنی اہلیہ کا ہاتھ تھامے اُن کے ماتھے پر بوسہ دیتے نظر آرہے تھے۔

واضح رہے کہ گزشتہ دنوں ثنا جاوید اور گلوکار عمیر جسوال نے اپنی شادی کی تصویر شیئر کرکے مداحوں کو خوشگوار حیرت میں مبتلا کردیا تھا۔

ثنا جاوید اور عمیر جسوال نے شادی کرلی

پاکستانی ڈرامہ انڈسٹری کی مقبول ترین اداکارہ ثنا جاوید اور گلوکار عمیر جسوال شادی کے بندھن میں بندھ گئے۔

شوبز جوڑی کی شادی کی تقریب کراچی کے مقامی ہوٹل میں منعقد کی گئی جس میں قریبی رشتے داروں نے شرکت کی۔