• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وہ کون ہیں جو غم کا مزہ جانتے نہیں

MD
میگزین ڈیسک
میگزینز
قرطاسِ ادب
26 اکتوبر ، 2020
وہ کون ہیں جو غم کا مزہ جانتے نہیں

…خماربارہ بنکوی…

وہ کون ہیں جو غم کا مزہ جانتے نہیں

بس دُوسروں کے درد کو پہچانتے نہیں

اِس جبرِ مصلحت سے تو رُسوائیاں بھلی

جیسے کہ ہم اُنھیں وہ ہمیں جانتے نہیں

کمبخت آنکھ اُٹھی نہ کبھی اُن کے رُوبرُو

ہم اُن کو جانتے تو ہیں، پہچانتے نہیں

واعظ خُلوص ہے تِرے اندازِ فکر میں

ہم تیری گفتگو کا بُرا مانتے نہیں

حد سے بڑھے توعلم بھی ہے جہل دوستو

سب کچھ جو جانتے ہیں، وہ کچھ جانتے نہیں

رہتے ہیں عافیّت سے وہی لوگ اے خمار

جو زندگی میں دل کا کہا مانتے نہیں

تازہ ترین