آپ آف لائن ہیں
جمعرات17؍ربیع الثانی 1442ھ3؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلدیاتی انتخابات کے رولز، نون کی درخواست خارج

سندھ ہائیکورٹ نے سندھ میں بلدیاتی انتخابات کے طریقہ اور رولز کے خلاف مسلم لیگ نون کی درخواست غیر موثر ہونے پر خارج کر دی۔

سندھ ہائیکورٹ میں سندھ میں بلدیاتی انتخابات کے طریقہ اور رولز کے خلاف درخواست پر سماعت ہوئی، درخواست گزار وکیل نے عدالت کو بتایا کہ الیکشن اور رولز کے نوٹیفکیشن کو چیلنج کیا گیا ہے۔

بلدیاتی انتخابات کا شیڈیول پہلے اور رولز بعد میں جاری کیے گئے جس پر عدالت نے ریمارکس دیئے کے بلدیاتی نمائندے اپنی مدت پوری کرچکے ہیں اب نوٹیفکیشن کو کیسے کالعدم قرار دیا جاسکتا ہے۔


عدالت نے کہا کہ کافی عرصہ سے درخواست زیر سماعت ہے اور اب عدالت کا وقت ضیاع نہ کیا جائے کیا پچھلا الیکشن ختم کردیں یہ کیسے ممکن ہے؟

عبداللہ ہنجرا لا آفیسر الیکشن کمیشن نے عدالت کو بتایا کےانتخابات کا شیڈول جاری ہونے سے پہلے رولز بنائے گئے تھے، جن رولز کے مطابق 2015 ء میں انتخابات کرائے گئے انہی کے مطابق نئے انتخابات بھی ہوں گے۔

عدالت نے درخواست گزار کے وکیل سے استفسار کیا کہ آب کو مسئلہ ہوتو نئی درخواست دائر کی جاسکتی ہے، عدالت نے مسلم لیگ نون کی درخواست غیر موثر ہونے پر خارج کر دی۔

قومی خبریں سے مزید