حکومت نے ملک کو بیانیے کی جنگ میں الجھایا ہوا ہے، شیری رحمٰن

پاکستان پیپلز پارٹی (پی پی پی) کی رہنما سینیٹر شیری رحمٰن نے کہا ہے کہ اس وقت حکومت نے ملک کو بیانیے کی جنگ میں الجھایا ہوا ہے۔

ان خیالات کا اظہار انھوں نے سابق چیئرمین سینیٹ میاں رضا ربانی اور پارٹی کے مرکزی ترجمان مولا بخش چانڈیو کے ہمراہ پریس کانفرنس کرتے ہوئے کیا۔ 

شیری رحمٰن نے حکومت پر الزام عائد کیا کہ اس حکومت نے ملک کو بیانیے کی جنگ میں الجتھایا ہوا ہے۔

پیپلز پارٹی کی رہنما کا یہ بھی کہنا تھا کہ اس وقت ملک کا اصل مسئلہ مہنگائی ہے۔

چیئرمین نیب اختیارات کا ناجائز فائدہ نہ اٹھائیں، شیری رحمٰن

آصف زرداری کے وارنٹ گرفتاری جاری کیے جانے پر ردعمل میں پیپلزپارٹی کی رہنما شیری رحمٰن نے کہا ہے کہ بیماری کے باوجود آصف زرداری ہر پیشی پر حاضر ہوتے ہیں، چیئرمین نیب اپنے اختیارات کا ناجائز فائدہ نہ اٹھائیں۔

انھوں نے کہا کہ بے لگام قرضے لینے سے افراطِ زر سنگین ہوگیا۔

شیری رحمٰن نے یہ بھی الزام عائد کیا کہ ذخیرہ اندوزی کرنے والے حکومتی اراکین کے دوست ہیں، اس کے باعث ہونے والی مہنگائی نے عوام کی کمر توڑ دی ہے۔

ملک میں ادویات کی قیمیتں بڑھنے سے متعلق انھوں نے کہا کہ ملٹی نیشنلز کے کہنے پر دواؤں کی قیمتیں بڑھاتے جارہے ہیں۔

شیری رحمٰن کا کہنا تھا کہ یہ تقسیم سرکار، نااہل سرکار اور نامعلوم سرکار ہے۔