آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

تمام مسلم ممالک کو آزادیٔ کشمیر کے لیے کھڑا ہونا پڑے گا، فاروق ستار

73 سال ہو گئے کشمیر پر بھارت کا قبضہ ہے، نہتے کشمیریوں پر بھارت کے مظالم بڑھتے جا رہے ہیں۔ پوری دنیا کے مسلم ممالک کو کشمیر کی آزادی کے لیے ہمارے ساتھ کھڑا ہو نا پڑے گا۔

ان خیالات کا اظہار سیاسی رہنما فاروق ستار نے آرٹس کونسل آف پاکستان کراچی میں کشمیریوں سے اظہارِ یکجہتی کے لیے تھیٹر ”پاکستان کی میں تقدیر ، نام میرا جموں و کشمیر“ کے دوارن خطاب کرتے ہوئے کیا۔

تھیٹر کا اہتمام ”ہیومن رائٹس کونسل اور آرٹس کونسل آف پاکستان کراچی“ کے تعاون سے کیا گیا تھا۔

فاروق ستار نے کہا کہ کشمیر کی آزادی کے لیے پوری دنیا کے مسلم ممالک کو ہمارے ساتھ کھڑے ہونا پڑے گا، بھارت میں مودی اور امریکہ میں ڈونلڈ ٹرمپ انتہا پسند ہیں۔


 انہوں نے کہا کہ ہمیں فخر ہے ہم رسول اکرم ﷺ کے امتی ہیں، فرانس میں سرکاری عمارتوں پر گستاخانہ خاکوں کی بھرپور انداز میں مذمت کرتا ہوں، یورپ میں پہلی بار ایسا گھناؤنا واقعہ رونما ہوا ہے، فرانس کے صدر کو پیغام دیا جائے کہ ہماری معیشت کو جتنا بھی نقصان ہو جائے۔ ہم فرانس کی مصنوعات کا بائیکاٹ کریں گے۔

تقریب میں معروف صنعتکار مرزا اشتیاق بیگ اور سیاسی رہنما سردار نزاکت نے بھی شرکت کی۔

ڈرامہ پاکستان کی میں تقدیر، میرا نام جموں کشمیر کے رائٹر بشیر سدوزئی تھے۔ ڈرامے میں کشمیری عوام کی آزادی کے لیے جدوجہد اور بھارتی مظالم کو فنکاروں نے اداکاری کے ذریعے پیش کیا، جسے شرکاء کی جانب سے بے حد سراہا گیا۔

قومی خبریں سے مزید