آپ آف لائن ہیں
بدھ9؍ربیع الثانی 1442ھ25؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

40 سال کی رفاقت کے بعد معمر جوڑے نے شادی کرلی


آئرلینڈ کے معمر جوڑے نے 40 سال کی رفاقت کے بعد کورونا وبا کے دوران سادہ سی تقریب میں شادی کرلی، شادی کی تصاویر نےسوشل میڈیا پر دھوم مچادی۔

آئر لینڈ میں 86 سالہ جان برمنگھم اور 83 سالہ میری لانگ سادہ سی ایک تقریب میں رشتہ ازدواج سے منسلک ہوگئے تاہم لاک ڈاؤن کی وجہ سے انہیں تقریب کے اہتمام میں مشکلات کا سامنا رہا۔

جان اور میری کی پہلی ملاقات آج سے 40 سال قبل ہوئی تھی اور پہلی ہی نظر میں دونوں ایک دوسرے کو دل دے بیٹھے تھے۔

دولہا جان برمنگھم ایک کسان کے طور پر کھیت میں کام کرتے رہے ہیں جبکہ دلہن میری لانگ ڈبلن میں نیوٹی کنسلٹنٹ کے طور پر کام کرتی رہی ہیں۔

سوشل میڈیا پر معمر جوڑے کی شادی کی تصاویر شیئر ہوئیں تو مبارکبادوں کا تانتا بندھ گیا اور صارفین نے خوشی اظہار کیا۔

دلچسپ و عجیب سے مزید