آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سائرہ یوسف کی نئی دلکش تصاویر کے چرچے

معروف اداکارہ اور ماڈل سائرہ یوسف کی نئی دلکش تصویریں سوشل میڈیا زیرِ گردش ہیں جنہیں دیکھنے کے بعد اُن کے مداح حیرت میں مبتلا ہوگئے ہیں اور اداکارہ کے لیے تعریفی پیغامات جاری کرنے کا سلسلہ شروع کردیا ہے۔

سائرہ یوسف کے کیرئیر کی طرف نظر دوڑائی جائے تو اُنہوں نے اپنے کیریئر کا آغاز بطور وی جے کی حیثیت سے کیا تھا اور اس کے بعد اُنہوں نے ڈرامہ انڈسٹری میں بھی اپنا نام بنایا، اُن کے سُپر ہٹ ڈرامہ سیریز میں میرا نصیب، بلقیس کور اور روبرو سمیت دیگر ڈرامے شامل ہیں۔

اداکاری کے علاوہ سائرہ یوسف ماڈلنگ بھی کرتی ہیں اور حال ہی میں اُنہوں نے ایک کپڑوں کے برینڈ کے لیے فوٹو شوٹ کروایا ہے جس کی تصویریں سوشل میڈیا پر وائرل ہوگئی ہیں۔

سوشل میڈیا پر وائرل ہونے والی تصویروں میں دیکھاجاسکتا ہے کہ اداکارہ روایتی لباس میں ملبوس ہیں جبکہ اُن کے ہاتھوں میں لگی مہندی اُن کی خوبصورتی میں مزید اضافہ کر رہی ہے۔

سائرہ یوسف نے اپنے نئے فوٹو شوٹ میں خوبصورت میک اپ کے ساتھ دلکش جیولری کا بھی انتخاب کیا۔

آئیے اداکارہ کے نئے فوٹو شوٹ پر ایک نظر ڈالتے ہیں:

واضح رہے کہ رواں سال مارچ میں شوبز انڈسٹری کی مقبول جوڑی شہروز سبزواری اور سائرہ یوسف نے شادی کے 8 برس بعد ایک دوسرے سے راہیں جدا کرلی تھیں۔

شہروز سے راہیں جدا کرنے کے بعد سے سائرہ یوسف سوشل میڈیا پر کچھ زیادہ فعال نہیں ہیں۔

انٹرٹینمنٹ سے مزید