حمزہ شہباز کی سیکیورٹی پر سمجھوتہ نہیں ہوسکتا، عظمیٰ بخاری

مسلم لیگ (ن) پنجاب کی ترجمان عظمیٰ بخاری کا کہنا ہے کہ حمزہ شہباز سیاسی قیدی ہیں اُن کی سیکیورٹی پر سمجھوتہ نہیں ہوسکتا۔

ترجمان مسلم لیگ (ن) پنجاب عظمیٰ بخاری نے وزیر اطلاعات پنجاب فیاض الحسن چوہان کے بیان پر ردعمل کا اظہار کرتے ہوئے کہا کہ چوہان صاحب نے کنفرم کیا کہ شریف فیملی احتساب نہیں بلکہ عمران خان کا غصہ اور انتقام برداشت کررہی ہے۔

حمزہ شہباز لیموزین، مرسیڈیز یا چارٹرڈ طیارے سے عدالت جانا چاہتے ہیں، فیاض چوہان

پنجاب کے وزیر اطلاعات فیاض الحسن چوہان نے کہا ہے کہ حمزہ شہباز شاید لیموزین، مرسیڈیز یا چارٹرڈ طیارے سے عدالت جانا چاہتے ہیں۔

حمزہ شہباز کا بکتر بند میں عدالت آنے سے انکار، جج برہم

رمضان شوگر ملز ریفرنس پر سماعت کے دوران لاہور کی احتساب عدالت کو جیل حکام نے بتایا کہ مسلم لیگ نون کے رہنما و پنجاب اسمبلی میں قائدِ حزبِ اختلاف حمزہ شہباز نے بکتر بند گاڑی میں آنے سے انکار کر دیا ہے جس پر جج نے اظہارِ برہمی کیا ہے۔

انہوں نے کہا کہ کٹھ پتلی حکومت شاید اب اپنے سیاسی مخالفین کی زندگیوں سے بھی کھیلنا چاہتی ہے، چوہان صاحب! آپ کو مریم نواز کی اتنی فکر کیوں ہے، آپ ہمارے چاچے مامے نہ بنیں۔

عظمیٰ بخاری نے مزید کہا کہ چوہان صاحب! مریم نواز کا شہبازشریف سے جھگڑا ہوا یا نہیں اس کی فکرآپ چھوڑیں۔