آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آرمینیا ،آذربائیجان نگورنو کاراباخ تنازع پر کشیدگی کم کرنے پر رضامند

خبر ایجنسی کا کہنا ہے کہ آرمینیا اور آذربائیجان نگورن کاراباخ تنازع پر کشیدگی کم کرنے پر رضامند ہوگئے ہیں۔

خبر ایجنسی کے مطابق آرمینیا اور آذربائیجان کے وزراءخارجہ کے درمیان ملاقات کے بعد منسک گروپ کا اعلامیہ جاری کیا گیا ہے، ملاقات کا اعلامیہ منسک گروپ روس، فرانس اور امریکا کے مندوبین نےجاری کیا ہے۔

جاری کردہ اعلامیہ کے مطابق آرمینیا اور آذربائیجان کے وزراء خارجہ نےجنیوا میں گزشتہ روز ملاقات کی، دونوں وزراء خارجہ شہری آبادی کو نشانہ نا بنانے اور فوجیوں کی لاشوں کے تبادلے پر رضا مند ہوگئے ہیں۔

اعلامیہ کے مطابق آرمینیا، آذربائیجان وزراء خارجہ دوران جنگ بنائے گئے قیدیوں کی فہرست کے تبادلے پر بھی رضامند ہوگئے، اس کے علاوہ آرمینیا آذربائیجان جنگ بندی کی تصدیق کے ممکنہ طریقہ کار پر بات چیت کریں گے۔

خبر ایجنسی کا مزید کہنا ہے کہ آرمینیا، آذربائیجان کے درمیان حالیہ جنگ روکنے کے لیے سیز فائز تین مرتبہ ناکام ہوچکا ہے۔ 

بین الاقوامی خبریں سے مزید