آل شریف کو جیل میں تکلیف اور صرف لندن جا کر شفا ملتی ہے، فیاض الحسن چوہان

وزیرِ اطلاعات پنجاب فیاض الحسن چوہان نے کہا ہے کہ آل شریف کو جیل میں تکلیف اور صرف لندن جا کر شفا ملتی ہے۔

پاکستان تحریکِ انصاف کے رہنما و پنجاب کے وزیرِ اطلاعات فیاض الحسن چوہان نے اپنے بیان میں کہا ہے کہ جیسےاحتساب کا عمل تیز ہو رہا ہے، شریف خاندان کی طبیعتیں بگڑنا شروع ہو رہی ہیں۔

فیاض الحسن چوہان نے کہا کہ آل شریف کی ہر بیماری کی جڑ دراصل اقتدار سے لمبی جدائی کی وجہ سے ہے جبکہ میم لیگ خاندان کے دیگر افراد سے ملکر شہباز شریف اینڈ فیملی سے علیحدہ ہونے کا فیصلہ کرچکی ہیں۔

میں بکتر بندگاڑی میں لیٹ کر آیا ہوں، شہباز شریف

مسلم لیگ ن کے صدر اور قومی اسمبلی میں قائد حزبِ اختلاف میاں شہباز شریف اور اُن کے صاحبزادے حمزہ شہباز کو بکتر بند میں عدالت پہنچادیا گیا ہے۔

اپنے بیان میں اُن کا کہنا تھا کہ عوام کے سامنے صرف ہمدردیاں سمیٹنے کے لیے خاندانی اتحاد دکھایا جارہا ہے، جو کل تک آل شریف کے وفادار تھے، آج ان کے خلاف وعدہ معاف گواہان بن چکے ہیں۔

شہباز شریف کو بکتر بند میں لاکر اذیت دی گئی، احسن اقبال

مسلم لیگ ن کے رہنما احسن اقبال کا کہنا ہے کہ وزیراعظم عمران خان کو ملک سے رخصت کرکے ہی ہماری جہدوجہد ختم ہوگی، ہم حکومت کی انتقامی کارروائیوں کی مذمت کرتے ہیں۔

فیاض الحسن چوہان نے مزید کہا کہ شہباز اور حمزہ شریف کو عام قیدیوں کی طرح تمام طبی سہولیات حکومت فراہم کرے گی۔