فرمان الہی
نماز کے اوقات
اسلام آباد (نمائندہ جنگ) چیف جسٹس گلزار احمد نے کہا ہے کہ بنچ اور بار انصاف کی فراہمی کی گاڑی کے دو پہیے ہیں ، وہ سپریم کورٹ بار ایسوسی ایشن کی نو منتخب اور سبکدوش ہونیوالی قیادت کیساتھ اکٹھی ملاقات کے دوران گفتگوکررہے تھے ، سپریم کورٹ بار ایسوسی ایشن کے نومنتخب عہدیداروں نے صدر عبداللطیف آفریدی جبکہ سبکدوش ہونیوالے عیدیداروں نے سابق صدر سید قلب حسن کی قیادت میں ان سے ملاقات کی ، چیف جسٹس نے مہمانوں کا استقبال کیا ، عبدالطیف آفریدی نے ملک میں قانون کی حکمرانی اور عدلیہ کی آزادی کی مکمل سپورٹ کا اعادہ کیا ، چیف جسٹس نے سبکدوش ہونے والے صدر سید قلب حسن اور انکی باڈی کی ادارے کیلئے خدمات کو خراج تحسین پیش کیا اور نومنتخب باڈی کیلئے نیک تمنائوں کا اظہار کیا ، سید قلب حسن نے بھی انصاف کی فراہمی کے حوالے سے چیف جسٹس کے اقدامات کی تعریف کی ، بعد ازاں چیف جسٹس نے مہمانوں کیساتھ تصاویر بھی بنوائیں، قبل ازیں سپریم کورٹ بار ایسوسی ایشن کے دفتر میں سبکدوش ہونیوالی باڈی نے چارج نو منتخب قیادت کے حوالے کیا ۔
