پاکستان تحریک انصاف کی سپریم کونسل نے پاکستان تحریک انصاف فرانس کے منتخب صدر عابد ملک کو بطور صدر کام جاری رکھنے کا فیصلہ دے دیا ہے۔
تفصیلات کے مطابق پاکستان تحریک انصاف کی سپریم کونسل کے اس فیصلے کے بعد پاکستان تحریک انصاف فرانس کے رہنما اور کارکنوں میں اطمینان اور خوشی کی لہر دوڑ گئی ہے۔
واضح رہے کہ دو ہفتے قبل ڈسپلن ایکشن کمیٹی یورپ نے چند لوگوں کی طرف صدر عابد ملک کے خلاف من گھڑت شکایت پر ان کو کام کرنے سے دوک دیا تھا۔
صدر عابد ملک بطور پاکستان تحریک انصاف کے منتخب صدر اور اچھی کارکردگی کا مظاہرہ کر رہے تھے جو کچھ مخصوص لوگوں کو پسند نہیں اور ان کی اجارہ داری کو خطرات لاحق تھے۔
سپریم کونسل کے فیصلے سے عابد ملک کی بطور صدر بحالی سے پارٹی ورکروں میں خوشی کی لہر دوڑ گئی اور کہا کہ سپریم کونسل نے ثابت کردیا ہے کہ پاکستان تحریک انصاف ایک بااصول جمہوری پارٹی ہے۔