بالی وڈ منشیات کیس، ارجن رامپال کے گھر پر این سی بی کا چھاپہ

بالی وڈ منشیات تحقیقات میں نارکوٹکس کنٹرول بیورو (این سی بی) کی جانب سے بھارتی فلم انڈسٹری کے نامور اداکار ارجن رامپال کے گھر پر چھاپہ مارا گیا ہے۔

بھارتی میڈیا رپورٹس کے مطابق بالی وڈ منشیات کیس کی تحقیقات کرنے والے ادارے نارکوٹکس کنٹرول بیورو (این سی بی) کی جانب سے آج صبح اداکار ارجن رامپال کے گھر چھاپہ مارا گیا جس کے بعد اُن کے گھر کی تلاشی جاری ہے۔

منشیات کیس، دپیکا بھی شکنجے میں

بالی ووڈ منشیات تحقیقات میں بھارتی فلم انڈسٹری کی صف اول اداکارہ دپیکا پڈوکون کو بھی اس ہفتے تفتیش کے لیے طلب کیا جائے گا۔

میڈیا رپورٹس کے مطابق گزشتہ روز بالی وڈ کے پروڈیوسر فیروز کی اہلیہ کو گرفتار کیا گیا تھا کیونکہ انسداد منشیات ایجنسی کے چھاپے کے دوران اُن کے گھر سے مبینہ طور پر 10 گرام چرس برآمد ہوئی تھی۔

این سی بی آفیسر نے بھارتی میڈیا کو بتایا کہ اہلیہ کی گرفتاری کے بعد پروڈیوسر فیروز کو طلب کیا گیا ہے لیکن وہ ابھی تک پیش نہیں ہوئے۔

منشیات تقریب کی میزبانی کرنے پر کرن جوہر کیخلاف مقدمہ درج

تقریب میں کُھلے عام منشیات کا استعمال کرنے پر نارکوٹکس کنٹرول بیورو (این سی بی) نے بھارتی پروڈیوسر اور ہدایتکار کرن جوہر سمیت دیگر اداکاروں کے خلاف مقدمہ درج کرلیا ہے۔

واضح رہے کہ این اسی بی کی جانب سے منشیات کیس اُس وقت شروع کیا گیا جب رواں سال سشانت سنگھ راجپوت کی خودکشی کے بعد منشیات سے متعلق کچھ واٹس ایپ چیٹس منظر عام پر آئیں۔

اس کیس میں نارکوٹکس کنٹرول بیورو (این سی بی) نے جن بالی وڈ اداکاروں کے خلاف تحقیقات کی تھی اُن میں صف اول اداکارہ دیپیکا پڈوکون اور اُن کی مینیجر کریشمہ پرکاش، کرن جوہر، ریا چکرورتی، سارہ علی خان اور شردھا کپور سمیت دیگر افراد شامل ہیں۔

سشانت اور سارہ علی خان کی سگریٹ نوشی کرتے ویڈیو منظر عام پر آگئی

رواں سال خودکشی کرکے اپنی جان لینے والے بھارتی اداکار سشانت سنگھ راجپوت کی ایک نئی ویڈیو منظر عام پر آگئی ہے جس میں بالی ووڈ اداکارہ سارہ علی خان اپنے دوست سشانت کے ہمراہ سگریٹ نوشی کرتی نظر آرہی ہیں۔

سشانت سنگھ خودکشی کیس میں گرفتار ہونے والی ریا چکرورتی نے تحقیقات کے دوران یہ انکشاف کیا تھا کہ سشانت کی سابقہ گرل فرینڈ سارہ علی خان بھی اُن کے ساتھ مل کر منشیات کا استعمال کرتی تھیں۔

منشیات کیس، دیپیکا پڈوکون نے اعتراف جُرم کرلیا

بالی ووڈ منشیات کیس کی تحقیقات کےدوران بھارتی فلم انڈسٹری کی صفِ اول اداکارہ دیپیکا پڈوکون نے اعتراف جُرم کرلیا ہے۔

ریا چکرورتی نے بتایا تھا کہ ناصرف وہ بلکہ اداکارہ سارہ علی خان، راکول پریت سنگھ اور سمن کھمباٹا بھی سشانت کے ساتھ مل کر منشیات استعمال کرتے رہے ہیں۔