ساہیوال اور پاکپتن میں دو مختلف حادثات کے نتیجے میں 6افراد جاں بحق اور 7زخمی ہوگئے۔ جاں بحق افراد میں خواتین بھی شامل ہیں۔
ساہیوال میں دو موٹر سائیکلوں اور ٹریکٹر ٹرالی میں ٹکر کے نتیجے میں 2خواتین سمیت 3افراد جاں بحق اور 2 زخمی ہوگئے۔ پولیس کے مطابق اولڈ ہڑپہ روڈ پر دو موٹر سائیکلیں اور ٹریکٹر ٹرالی آپس میں ٹکرا گئیں۔
حادثے میں دو خواتین سمیت 3 افراد موقع پر جاں بحق اور 2 افراد زخمی ہوئے، زخمیوں کو علاج کیلئے مقامی اسپتال منتقل کردیا گیا،جاں بحق ہونےوالوں میں ماں بیٹا بھی شامل تھے، تینوں افراد کی میتیں ورثاء کے حوالے کردی گئی ہیں۔
دوسری جانب پاکپتن کے چک 41 ایچ پی میں 2موٹر سائیکلوں میں ٹکرہوگئی جس کے نتیجے میں باپ،بیٹے سمیت 3 افراد جاں بحق جبکہ 5 زخمی ہوگئے۔
ریسکیو ذرائع نے پاکپتن کے حادثے میں جاں بحق افراد کے نام رمضان،اعظم اور رشید بتائے ہیں۔
فرمان الہی
نماز کے اوقات
