• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زیارت میں گیس پریشر اور بجلی لوڈشیڈنگ ختم کی جائے‘مولانا عبدالصمد

میرا شہر
کوئٹہ
18 نومبر ، 2020
کوئٹہ(پ ر)جمعیت علماء اسلام کے رہنما سابق صوبائی وزیر مولانا عبدالصمداخوندزادہ نے کہا ہے کہ ضلع زیارت میں گیس پریشر میں کمی اور بجلی کی لوڈشیڈنگ کا فوری خاتمہ کیا جائے ۔شدید سردی میںگیس پریشر میں کمی اور طویل لوڈشیڈنگ نے ضلع زیارت کے عوام کی زندگی اجیرن بنا دی جبکہ گیس پریشر کی وجہ سے زیارت کے قیمتی صنوبر کے جنگلات کو بھی خطرہ ہے ضلع زیارت کے قیمتی جنگلات کو بچانے اور عوام کی مشکلات کے خاتمے کیلئے گیس پریشر درست کیا جائے اور بجلی کی لوڈشیڈنگ کو ختم کیا جائے۔انہوں نے کہا ضلع زیارت کے عوام سے نہ ٹوٹنے والا رشتہ ہے ،آج بھی عوام کے درمیان ہوں اور عوام ہمارے ساتھ ہیں ،عوام کی خدمت کا جذبہ لیکر میدان میں اترے ہیں ،علاقے اور قوم سے نفرتوں کے خاتمے کے لئے جدوجہد کررہے ہیں ۔انہوں نے کہا کہ جوبھی عوامی مفاد کیلئے کام کرینگے انہیں سپورٹ کریںگے ۔ہمارا دور ضلع زیارت کے عوام کے لئے ایک سنہرا دور تھا اور اس وقت کے ترقیاتی کام ہمیشہ یاد رکھے جائیں گے۔
تازہ ترین