آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کرکٹ ویب سائٹ کرک انفو کا وسیم اکرم کو زبردست خراج تحسین

پاکستان سُپر لیگ کی چیمپئن کراچی کنگز کے ہیڈ کوچ کو کرکٹ ویب سائٹ ای ایس پی این کرک انفو نے زبردست خراج تحسین پیش کیا ہے۔

ای ایس پی این کرک انفو کے ٹوئٹر اکاؤنٹ پر وسیم اکرم کی مختلف لیگز میں کوچنگ کی تصاویر شیئر کرتے ہوئے آئی سی سی نے اپنے ٹوئٹ میں لکھا کہ جہاں وسیم اکرم ہوتے ہیں وہیں ٹرافی بھی ہوتی ہے۔

انہوں نے اپنے ٹوئٹ میں بتایا کہ وسیم اکرم نے 2012 اور 2014 میں آئی پی ایل میں کلکتہ نائٹ رائیڈرز کی کوچنگ کی اور اسے فتح سے ہمکنار کیا۔

اسی طرح وسیم اکرم نے 2016 میں پاکستان سُپر لیگ میں اسلام آباد یونائیٹد کی کوچنگ کی اور ٹرافی اپنے نام کی۔

رواں برس پی ایس ایل کے سیزن فائیو میں کراچی کنگز کے ہیڈ کوچ وسیم اکرم تھے، اور سے کراچی کنگز ہی پی ایس ایل کی چیمپئن بھی بنی۔

یاد رہے کہ پاکستان سپر لیگ کے اب تک پانچ ایڈیشنز کھیلے جا چکے ہیں جن میں دو مرتبہ اسلام آباد یونائیٹڈ جب کہ پشاور زلمی اور کوئٹہ گلیڈی ایٹرز بھی ایک، ایک بار پی ایس ایل ٹرافی اپنے نام کرنے میں کامیاب رہے ہیں۔

کھیلوں کی خبریں سے مزید