کمیٹی میٹنگ میں کورونا کی احتیاط کرتے ہیں مگر عوام کی فکر نہیں، فیصل جاوید

پاکستان تحریک انصاف کے رہنما سینیٹر فیصل جاوید کا کہنا ہے کہ مسلم لیگ والے خود تو کمیٹی کی میٹنگ میں بھی کورونا وائرس سے احتیاط کرتے ہیں مگر عوام کی فکر نہیں ہے۔

پی ٹی آئی کے سینیٹر فیصل جاوید خان نے اپنے بیان میں کہا کہ یہ زبردستی اپنے جلسوں میں عوام کو لاتے ہیں اور زندگیوں کو خطرے میں ڈالتے ہیں۔

انہوں نے کہا کہ کورونا وائرس کی دوسری لہر زیادہ خطرناک ہے۔

سینیٹر فیصل جاوید نے کہا کہ ان جلسوں کا کوئی فائدہ نہیں، عوام آپ کو، آپ کے بیانیے کو مسترد کرچکے ہیں۔

فیصل جاوید نے کہا کہ ہوش کے ناخن لیں اور لوگوں کی زندگیوں کو خطرے میں مت ڈالیں۔