آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وفاقی وزارت تعلیم نے تعلیمی اداروں کیلئے تجاویز صوبوں کو بھجوادیں


وفاقی وزارت تعلیم کی جانب سے تعلیمی اداروں کے لیے تجاویز صوبوں کو بھجوادی گئیں، جس میں کہا گیا ہے کہ تعلیمی اداروں کو 24 نومبر سے 31 جنوری تک بند کردیا جائے۔

وزارت تعلیم نے اپنی تجویز میں کہا کہ 24 نومبر سے پرائمری اسکول بند کر دیئے جائیں، جبکہ 2 دسمبر سے مڈل اسکول بند کیے جائیں۔

وفاقی وزارت تعلیم نے تجویز میں کہا کہ 15 دسمبر سے ہائر سیکنڈری اسکول بند کیے جائیں۔

وزارت کی جانب سے دی گئی تجویز میں کہا گیا کہ اساتذہ اداروں میں حاضری  یقینی بنائیں اور آن لائن ایجوکیشن کیلئے تیاری کی جائے، مقامی طور پر ٹیلی اسکول، ریڈیو سمیت آن لائن ایجوکیشن سسٹم کو لاگو کیا جائے۔


تجویز میں کہا گیا کہ بین الصوبائی وزرائے تعلیم کانفرنس 23 نومبر کو ہوگی، صوبے اپنی تجاویز پیش کریں۔

وزارت تعلیم کی جانب سے دی گئی تجویز میں کہا گیا کہ تعلیمی سیشن کو 31 مئی تک بڑھانے کی تجویز کے تحت میڑک، انٹرمیڈیٹ امتحانات جون 2021 میں لیے جائیں۔

قومی خبریں سے مزید