آپ آف لائن ہیں
جمعہ18؍ربیع الثانی 1442ھ 4؍دسمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کملا ہیرس کی کتابوں کی مقبولیت میں اضافہ

امریکی صدارتی انتخابات کی تاریخ میں نائب صدر کے عہدے پر فائز ہونے والی پہلی خاتون کملا ہیرس کی تاریخی جیت کے بعد اُن کی کتابوں کی مقبولیت میں اضافہ ہوگیا ہے۔

امریکا کی نو منتخب نائب صدر کملا ہیرس کی شخصیت صرف سیاسی ہی نہیں بلکہ ادبی بھی ہے اور یہی وجہ ہے کہ دن بدن اُن کی تصانیف کی مقبولیت میں اضافہ دیکھنے کو مل رہا ہے۔

بین الاقوامی میڈیا رپورٹس کے مطابق امریکی صدارتی انتخابات 2020 میں کملا ہیرس کی تاریخی جیت کے بعد سے عالمی سطح پر آن لائن خریداری کے مختلف پلیٹ فارمز پر کملا ہیرس کی کتابوں کی فروخت میں پہلے کے مقابلے میں کئی گناہ اضافہ دیکھنے کو مل رہا ہے۔

دُنیا بھر میں کملا ہیرس کے چاہنے والے اُن کی سوچ و خیالات اور اُن کی ذاتی زندگی سے متعلق مختلف معلومات حاصل کرنے میں دلچسپی ظاہر کررہے ہیں یہی وجہ ہے کہ کملا ہیرس کی یادداشتوں پر مبنی سوانح حیات ’دی ٹروٹز وی ہولڈ: این امریکن جرنی‘ اور ادب اطفال پر مبنی کتاب ’سپر ہیروز ار ایویری ویر‘ کو امریکا سمیت دُنیا کے دیگر ممالک میں خوب پذیرائی مل رہی ہے۔

اس کے علاوہ کملا ہیرس کی بھانجی مینا ہیریس کی بچوں کے لیے لکھی گئی کتاب ’کمالہ اینڈ مایاز بک آئیڈیا‘ کو بھی بےحد مقبولیت مل رہی ہے۔

ان کتابوں کے علاوہ کملا ہیرس کی کتاب ’کملا ہیریس: روٹیٹ ان جسٹس‘ کی فروخت میں بھی دگنا اضافہ دیکھنے کو مل رہا ہے۔

واضح رہے کہ امریکا کے صدارتی انتخابات کے نتائج کے بعد ڈیموکریٹ امیدوار کملا ہیرس امریکا کی نائب صدر منتخب ہوگئیں۔

کملا ہیرس امریکا کی پہلی خاتون، سیاہ فام اور جنوبی ایشیاء سے تعلق رکھنے والی شخصیت ہیں جو نائب صدر منتخب ہوئی ہیں۔ امریکی صدارتی انتخابات کی تاریخ میں کملا ہیرس نائب صدر کے عہدے پر فائز ہونے والی پہلی خاتون ہیں۔

خاص رپورٹ سے مزید