عامر لیاقت حسین کی اسپتال سے نعت پڑھتے ویڈیو وائرل

گزشتہ دنوں عالمی وباء کورونا وائرس کی دوسری لہر کا شکار ہونے والے پاکستان تحریکِ انصاف (پی ٹی آئی) کے رہنما و رکنِ قومی اسمبلی ڈاکٹر عامر لیاقت حسین کی اسپتال میں نعت پڑھتے ویڈیو سوشل میڈیا پر وائرل ہوگئی ہے۔

طبیعت زیادہ خراب ہونے کی وجہ سے گزشتہ کچھ دنوں سے کراچی کے نجی اسپتال میں زیرِ علاج ڈاکٹر عامر لیاقت حسین نے ایک گھنٹہ پہلے ہی مائیکرو بلاگنگ سائٹ ٹوئٹر پر اپنی ویڈیو شیئر کی ہے۔

ٹوئٹر پر شیئر کی گئی ویڈیو میں ڈاکٹر عامر لیاقت حسین کی نیبولائزیشن ہورہی ہے جبکہ وہ نعت پڑھتے دکھائی دے رہے ہیں۔

ڈاکٹر عامر لیاقت حسین نے نعت پڑھنے کے بعد اپنے چاہنے والوں سے مخاطب ہوتے ہوئے کہا کہ ’جب میری نیبولائزیشن ہوتی ہے تو میں نعت پڑھتا ہوں۔‘

کورونا وائرس کا شکار عامر لیاقت حسین اسپتال میں داخل

گزشتہ دنوں عالمی وباء کورونا وائرس کی دوسری لہر کا شکار ہونے والے پاکستان تحریکِ انصاف (پی ٹی آئی) کے رہنما و رکنِ قومی اسمبلی ڈاکٹر عامر لیاقت حسین طبیعت مزید بگڑنے پر اسپتال میں داخل ہوگئے۔

اُنہوں نے ویڈیو شیئر کرتے ہوئے لکھا کہ ’علی الصباح سب نے میری خیریت دریافت کی لہٰذا میری صحت و تندرستی کی خاطر دُعا کے لیےاٹھنے والے ہر ہاتھ کو میں(عامر لیاقت حسین) عقیدت بھرا سلام پیش کرتا ہوں۔‘

عامر لیاقت اہلیہ سمیت کورونا وائرس میں مبتلا

پاکستان تحریک انصاف (پی ٹی آئی) کے رہنما و رکن قومی اسمبلی ڈاکٹر عامر لیاقت حسین اپنی اہلیہ سیدہ طوبیٰ عامر سمیت عالمی وبا کورونا وائرس کی دوسری لہر کے شکار ہوگئے ہیں۔

عامر لیاقت حسین نے لکھا کہ ’ہمارا رب اپنےحبیب ﷺ کے طفلیل روز بروز فرشتوں کی سرگوشیاں سنواتاہے،‘اس کے ساتھ ہی اُنہوں نے ایک شعر کچھ یوں لکھا:

دستگیری مری تنہائی کی تُونے ہی تو کی
میں تو مرجاتا اگر ساتھ نہ ہوتا تیرا

اُنہوں نے مزید لکھا کہ ’آپ سب پوچھ رہے تھے کہ میں کیا کررہا ہوں تو میں آپ کو بتا دوں کہ میں نعت پڑھ رہا ہوں۔‘

واضح رہے کہ گزشتہ دنوں عامر لیاقت حسین نے ٹوئٹر پر جاری کیے گئے اپنے بیان میں بتایا تھا کہ وہ اور اُن کی اہلیہ سیدہ طوبیٰ عامر کورونا وائرس کی زد میں آگئے ہیں۔

الحمد اللّہ میرا کورونا ٹیسٹ منفی آگیا، سیدہ طوبیٰ عامر

گزشتہ دنوں عالمی وباء کورونا وائرس کی دوسری لہر کا شکار ہونے والی پاکستان تحریکِ انصاف (پی ٹی آئی) کے رہنما و رکنِ قومی اسمبلی ڈاکٹر عامر لیاقت حسین کی اہلیہ سیدہ طوبیٰ عامر کا کورونا وائرس ٹیسٹ منفی آگیا ہے۔

کورونا ٹیسٹ مثبت آنے کے بعد عامر لیاقت حسین کی طبیعت زیادہ بِگڑ گئی تھی جس کے بعد سے وہ کراچی کے ایک نجی اسپتال میں زیرِ علاج ہیں جبکہ اُن کی اہلیہ سیدہ طوبیٰ عامر کورونا وائرس کو شکست دینے میں کامیاب ہوگئی ہیں۔