اس بار امتحان ملتوی نہیں ہوں گے، شفقت محمود

وفاقی وزیر تعلیم شفقت محمود کا کہنا ہے کہ اس بار امتحان ملتوی نہیں ہوں گے بلکہ امتحان لازمی ہوں گے۔

وفاقی وزیر تعلیم شفقت محمود نے میڈیا سے گفتگو کرتے ہوئے کہا کہ بین الصوبائی وزرائے تعلیم اجلاس میں سارے فیصلے متفقہ طور پر کیے ہیں۔

انہوں نے کہا کہ متفقہ فیصلہ کیا ہےکہ 26 نومبر سے تمام تعلیمی ادارے بند ہو جائیں گے، تعلیمی اداروں سے مراد مدراس، یونیورسٹیاں، کالجز اور اسکولز شامل ہیں۔

26 نومبر سے تعلیمی ادارے بند رکھنے کا فیصلہ

وفاقی وزیرِ تعلیم شفقت محمود نے کورونا وائرس کی دوسری لہر میں خطرناک اضافے کے بعد 26نومبر سے 24 دسمبر تک تعلیمی ادارے بند کرنے کا اعلان کردیا ہے۔ان کا کہنا ہے کہ 25 دسمبر سے 10 جنوری تک تمام تعلیمی اداروں میں سردیوں کی مکمل تعطیلات ہوں گی۔

شفقت محمود نے کہا کہ پرائیویٹ اسکولز کے بارے میں بہت فکر مند ہیں، نجی اسکولوں کے لیے پہلے بھی ایک لون پیکج کا اعلان کیا تھا۔

اُن کا مزید کہنا ہے کہ ہماری کوشش ہے کہ کم فیسز والے پرائیویٹ اسکولز کے لیے کوئی پیکج لائیں۔