آپ آف لائن ہیں
پیر4؍جمادی الثانی 1442ھ 18؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عمران خان کی’اولڈ ٹائم فوٹوز‘ سے موسم سرما کی یادگار جھلک

وزیراعظم عمران خان نے موسم سرما کے پُرانے دنوں کو یاد کرتے ہوئے سوشل میڈیا پر اپنی یادگار تصویر شیئر کی ہے۔

سوشل میڈیا پر زیادہ متحرک رہنے والے اور آئے دن اپنے چاہنے والوں کے ساتھ ماضی کی اپنی حسین یادیں شیئر کرنے والے پاکستان کے موجودہ وزیراعظم عمران خان نے سماجی رابطے کی ویب سائٹ انسٹاگرام پر موجود اپنے آفیشل اکاؤنٹ پر ایک نایاب تصویر شیئر کی ہے۔


عمران خان کی جانب سے شیئر کی جانے والی تصویر اُن کی ’اولڈ ٹائم فوٹوز‘ کے مجموعے میں سے ایک ہے۔

مذکورہ تصویر میں عمران خان نے سردی سے بچنے کے لیے جرسی زیب تن کی ہوئی ہے جبکہ کندھے پر کوٹ بھی ڈالا ہوا ہے۔

انسٹاگرام پر شیئر کی گئی تصویر میں عمران خان کا لباس دیکھ کر اندازہ لگایا جاسکتا ہے کہ یہ تصویر موسم سرما کے دوران لی گئی تھی۔

عمران خان نے اپنے انسٹاگرام اکاؤنٹ پر یہ تصویر کیپشن کے بغیر پوسٹ کی ہے اور اس کے باوجود بھی ایک لاکھ 60 ہزار سے زائد صارفین وزیراعظم کی تصویر لائک کرچکے ہیں۔

واضح رہے کہ وزیراعظم عمران خان اکثر اپنے ماضی اور حال کے حسین اور خوبصورت لمحات کو سوشل میڈیا پر شیئر کرتے دکھائی دیتے ہیں جنہیں اُن کے چاہنے والوں کی جانب سے بہت پسند بھی کیا جاتا ہے جبکہ اُن کی ہر پوسٹ پر لاکھوں میں لائکس اور مثبت بھرے پیغامات آتے ہیں۔

خاص رپورٹ سے مزید