چیئرمین نیب نے تحفظات دور کرنے کی یقین دہانی کرائی ہے، سلیم مانڈوی والا

سینیٹ کے ڈپٹی چیئرمین سلیم مانڈوی والا کا کہنا ہے کہ اُن کی چیئرمین نیب (قومی احتساب بیورو) سے ملاقات ہوئی ہے اور چیئرمین نیب نے اُنہیں تحفظات دور کرنے کی یقین دہانی کرائی ہے۔

سلیم مانڈوی والا نے میڈیا سے گفتگو کرتے ہوئے کہا کہ چیئرمین نیب کو معلوم ہونا چاہیے کہ ان کے لوگ کس طرح لوگوں کو کمروں میں بند کرکے ڈرا دھمکا رہے ہیں اور کس طرح لوگوں کو ڈرا دھمکا کر پلی بارگین کروا رہے ہیں۔

سلیم مانڈوی والا کے الزامات پر چیئرمین نیب کا نوٹس

چیئرمین نیب جسٹس ریٹائرڈ جاوید اقبال کی جانب سے ڈپٹی چیئرمین سینیٹ سلیم مانڈوی والا کے الزامات پر نوٹس لیا گیا ہے۔

اُنہوں نے کہا کہ نیب کے خلاف جدوجہد جاری رہے گی، تمام ارکان ساتھ ہیں، سینیٹ کا اجلاس بلانے کے لیے ریکوزیشن جمع کروا رہے ہیں۔

سلیم مانڈوی والا نے یہ بھی کہا کہ چیئرمین نیب نے ہراساں کرنے والے افسران کیخلاف کارروائی کی یقین دہانی کرائی ہے، چیئرمین نیب کو ڈی جی نیب راولپنڈی سے متعلق شکایت کی۔

نیب کے ہر آفیسر کے اثاثے عوام کے سامنے لاؤں گا، سلیم مانڈوی والا

سینیٹ کے ڈپٹی چیئرمین سلیم مانڈوی والا نے قومی احتساب بیور (نیب) سے متعلق کہا ہے کہ میں نیب کے خلاف کھڑا ہو رہا ہوں اور اس کا حل نکال کر رہوں گا، پوری سینیٹ میرے ساتھ کھڑی ہے، وہ چاہتی ہے کہ کوئی اس کے خلاف کھڑا ہو۔

اُن کا کہنا تھا کہ عرفان منگی کہتے ہیں کہ انہیں چیئرمین نیب بھی نہیں ہٹاسکتے، اگر ڈی جی نیب چیئرمین نیب سے زیادہ طاقتور ہے تو یہ بات افسوسناک ہے پھر ہمیں ڈی جی نیب کو ہٹانا اوران کے خلاف قرار داد لانا پڑے گی۔