فرمان الہی
نماز کے اوقات
نارووال (نمائندگان جنگ،نامہ نگاران) لاہور نارووال نیو روڈ پر واقع دربار سید میراں شیخوپورہ کے قریب تیز رفتار مسافر بس اور وین میں تصادم سے وین میں لگا گیس سلنڈر پھٹ گیا جس نے وین اور مسافر بس کو اپنی لپیٹ میں لے لیا اور وین میں سوار ایک ہی خاندان کے 12 افراد سمیت 13 افراد موقع پر ہی جاں بحق ہوگئے۔ تمام افراد فتح ریحان سے شادی کی ایک تقریب شرکت کرنے کے بعد واپس نارووال جارہے تھے جب بس اور وین لاہور نارووال نیو روڈ پر واقع دربار سید میراں کے قریب پہنچی تو شدید دھند کی وجہ سے بس اور وین آپس میں ٹکرا گئے،واقع کی اطلاع ملتے ہی ریسکیو 1122 نارووال، نارنگ منڈی،مریدکے اور شیخوپورہ کی ٹیمیں موقع پر پہنچ گئیں جنہوں نے بس میں سوار زخمی ہونے والوں کو فوری طور پرطبی امداد مہیا کرنے کے لیے ہسپتال منتقل کیا۔
