آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وسیم اکرم نے کرکٹ کے سفر کا آغاز کہاں سے کیا؟

قومی کرکٹ ٹیم کے سابق کپتان وسیم اکرم راولپنڈی کرکٹ اسٹیڈیم میں گزارے ابتدائی دنوں کو یاد کرنے لگے۔

وسیم اکرم نے راولپنڈی کرکٹ اسٹیڈیم میں کھینچی ایک حالیہ تصویر شیئر کرتے ہوئے لکھا کہ ’اور یہاں سے میرے کرکٹ کے سفر کا آغاز ہوتا ہے۔‘

انہوں نے اپنے ٹوئٹ میں ہیش ٹیگ ’راولپنڈی کرکٹ گراؤنڈ‘ لکھا۔


وسیم اکرم نے یہ بھی کہا کہ یہ میری ماضی کی خوشگوار یادوں میں سے ایک ہے۔

وسیم اکرم کے ٹوئٹ پر سینیٹر فیصل جاوید نے ردعمل دیتے ہوئے وسیم اکرم کی جاوید میانداد کے ہمراہ کرکٹ گراؤنڈ میں1984 کی تصویر شیئر کی۔

اس سے قبل سوئنگ کے سلطان وسیم اکرم نے سوشل میڈیا پر جاوید میانداد کے ساتھ لی گئی ایک یادگار تصویر شیئر کی تھی اور ساتھ لکھا کہ ’یہ وہ لمحہ تھا کہ جب 1984 میں راولپنڈی میں یہ 17 سالہ نوجوان پاکستان کرکٹ ٹیم کی نمائندگی کیلئے منتخب ہوا۔ ‘

وسیم اکرم ٹیسٹ کرکٹ میں سب سے زیادہ رنز بنانے والے کھلاڑیوں میں شامل ہیں، انہوں نے 1996 میں زمبابوے کے خلاف شیخوپورہ ٹیسٹ میں ناقابلِ شکست257 رنز بنا کر عالمی ریکارڈ اپنے نام کیا تھا جسے 23 برس گزر جانے کے بعد بھی کوئی اُن سے نہیں چھین سکا۔

کھیلوں کی خبریں سے مزید