فرمان الہی
نماز کے اوقات
کراچی (جنگ نیوز) پاکستان کے سابق وزیراعظم، پی ڈی ایم کے موجودہ سیکرٹری جنرل اور پاکستان مسلم لیگ (ن) کے سینئر نائب صدر شاہد خا قان عباسی کا خصوصی انٹرویو اتوار کو ”جیونیوز“ کے پروگرام ”جرگہ“ میں نشر کیا جائے گا۔ شو کے دوران شاہد خاقان عباسی سے پاکستان کی موجودہ صورتحال، (ن) کے مستقبل، پی ڈی ایم کا لاہور میں ہونے والا جلسہ اور دیگر اہم اُمور پر خصوصی گفتگو ہوگی۔ تلخ و شیریں سوال و جواب پر مشتمل یہ خصوصی انٹرویو سینئر صحافی اور تجزیہ کار سلیم صافی کی میزبانی میں رات 10 بجکر 5 منٹ پر نشر ہوگا۔ ٭پاکستان پیپلزپارٹی کے چیئرمین بلاول بھٹو زرداری ”ایک دِن جیو کے ساتھ“ میں مہمان ہوں گے۔ پروگرام کے دوسرے حصے میں میزبان سہیل ڑائچ سے گفتگو کرتے ہوئے بلاول بھٹو کا مزید کہنا تھا کہ والد آصف زرداری کے ساتھ اب اختلاف نہیں ہوتا۔ ”سلیکٹر“ کا لفظ میں نے ہی متعارف کرایا تھا۔اُنہوں نے بتایا کہ مجھے اُردو شاعری سننا بہت پسند ہے۔ موسیقی سے دلچسپی نہیں ہے۔ تفصیلی انٹرویو شام 7 بجکر 5 منٹ پر نشر ہوگا۔
