گھوٹکی( نامہ نگار) کراچی کے علاقہ اورنگی ٹاؤن میں پولیو ٹیم پر حملے میں شہید ہونے والے تین پولیس اہلکار گھوٹکی کے رہائشی نکلے‘ گھروں میں صف ماتم بچھ گئی۔تفصیلات کے مطابق کراچی کے علاقہ اورنگی ٹاؤن میں پولیو ٹیم پر حملے میںشہید7پولیس اہلکاروں میں سے تین کا تعلق گھوٹکی تحصیل سے ہے‘ ایس ایس پی گھوٹکی مقصود بنگش کے ترجمان کے مطابق شہید ہونے والوں میں گاؤں چھتو چاچڑ کا رہائشی وزیر احمد چاچڑ ، گاؤں رک فارم کا غلام رسول میمن اور گاؤں گنجی عادلپورکا رہائشی پولیس اہلکار دائم الدین چاچڑ شامل ہے‘تینوں اہلکار پولیس ٹرینگ سینٹر شہدادپور میں لوئرکورس کی تربیت کررہے تھے ‘بعدازاں انہیں اسپیشل ڈیوٹی پرکراچی بھیجا گیا گیاتھاجہاں پر انہوں نے دیگر ساتھوں کے ہمراہ جام شہادت نوش کیا۔
فرمان الہی
نماز کے اوقات
