شاہدرہ میں مریم نواز کی جانب کسی نے چھڑی پھینک دی

سابق وزیراعظم نواز شریف کی صاحبزادی اور مسلم لیگ (ن) کی نائب صدر پرشاہدرہ میں خطاب کے بعد کسی نے چھڑی پھینک دی، چھڑی مریم نواز کے سر کو چھوتی ہوئی پیچھے چلی گئی۔

جس وقت چھڑی پھینکی گئی اس وقت مریم نواز کارکنوں کے نعروں کا جواب دے رہی تھیں۔

مریم نواز نے ٹویٹ کیا ہے کہ چھڑی غلطی سے اُن کی طرف آ گئی، کسی نے اُنھیں چھڑی نہیں ماری۔

واضح رہے کہ مسلم لیگ (ن) کی نائب صدر مریم نواز نےکہا تھا کہ لاہوریوں کو جلسے کی اجازت کی ضرورت ہی نہیں ہے۔ عوامی رابطہ مہم کے دوران شاہدرہ میں کارکنوں سے خطاب میں مریم نواز نے وزیراعظم عمران خان کی حکومت کو دوا اور علاج چور حکومت قرار دے دیا۔