• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں گیس لوڈشیڈنگ کا سلسلہ تھم نہ سکا

میرا شہر
پشاور
08 دسمبر ، 2020
پشاور( وقائع نگار) پشاور کے مختلف علاقوں میں سوئی گیس لوڈشیڈنگ کا سلسلہ تھم نہ سکا ۔ پشاور کے علاقوں گنج ‘ شیخ آباد ‘ حیدر کالونی اور دیگر علاقوں میں گیس لوڈشیڈنگ نے عوام کا جینا دو بھر کردیا ہے ۔ رات کے وقت گیس پریشر کم ہو جاتا ہے جبکہ دس بجے کے بعد گیس مکمل طور پر غائب ہو جاتا ہے جس کے باعث شہری لکڑیوں کے ذریعے اشیائے تیار کرتے ہیں جس کے باعث انہیں شدید مشکلات کا سامنا کرنا پڑتا ہے ۔ اہل پشاور کا کہنا ہے کہ اس حوالے سے انہوں نے کئی بار احتجاج ریکارڈ کیا اور متعلقہ حکام کو بھی آگاہ کیا مگر کوئی شنوائی نہیں ہوئی ہے ۔ اہل پشاور نے مزید کہا کہ وزیراعلیٰ خیبر پختونخوا محمود خان کے واضح احکامات کے باوجود سوئی گیس لوڈشیڈنگ اور کم پریشر سمجھ سے بالاتر ہے ۔ انہوں نے مطالبہ کیا کہ سوئی گیس حکام کا قبلہ درست کیا جائے بصورت دیگر ایک بار پھر احتجاج پر مجبور ہوں گے ۔
تازہ ترین