آپ آف لائن ہیں
ہفتہ14؍رجب المرجب 1442ھ 27؍فروری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستانی عوام کو سب سے زیادہ مہنگائی نے تباہ و برباد کیا، محمد زبیر

سابق وزیراعظم نواز شریف اور اُن کی صاحبزادی مریم نواز کے ترجمان محمد زبیر نے کہا ہے کہ پاکستانی عوام کو سب سے زیادہ مہنگائی نے تباہ و برباد کیا۔

لاہور میں میڈیا سے گفتگو میں محمد زبیر نے کہا کہ بھارت، سری لنکا سمیت پورے ریجن میں پاکستان میں سب سے زیادہ مہنگائی ہے۔

انہوں نے کہا کہ پی ٹی آئی حکومت نے مہنگائی، غربت اور بیروزگاری میں بے حد و حساب اضافہ کیا ہے۔

سابق گورنر سندھ نے مزید کہا کہ حکومت کا کام غربت میں اضافہ کرنا نہیں ہوتا، اُس کا کام فیکٹری اور نوکری فراہم کرنا ہوتا ہے۔


ان کا کہنا تھا کہ مسلم لیگ (ن) کے دور حکومت میں فروغ پانے والی معیشت تباہ ہوگئی ہے، بڑے چھوٹے تمام ہی کارروبار مندے میں جارہے ہیں۔

محمد زبیر نے یہ بھی کہا کہ ہمارے نزدیک ملک صحیح معنوں میں جمہوری اقدار پر نہیں چل رہا، موجودہ حکومت نے گندم، چینی اور بجلی کی مد میں عوام سے پیسہ لوٹا ہے۔

انہوں نے کہا کہ یہ پہلی حکومت ہے جو احساس پروگرام میں لوگوں کو ایڈ کرنے پر فخر محسوس کرتی ہے۔

قومی خبریں سے مزید